اغنية محمد اسامة و مانشي الليثي محاكمة عسكرية

اغنية محاكمة عسكرية - محمد اسامة مودي راب و مانشي الليثي
محمد اسامة (مودي راب) و مانشي الليثي - محاكمة عسكرية

اتفرج علي كليب محاكمة عسكرية | محمد اسامة (مودي راب) و مانشي الليثي
Mohamed Osama (Mody Rap) & Munchy ElLithy - Mo7akma 3askarya

كلمات الأغنية ...

فين العدالة فين الديمقراطية ؟! ( ولا أي حاجة )

فين اللي كان معمول عشانه مليونية ؟! ( فين يا عم ؟! )

فين التغيير اللي مات عشانه الآلاف ؟!

فين اللي بعد الثورة راح اتغطى باللحاف ؟!

فين القصاص العادِل اللي لازم نكسبه ؟!

و الظابط اللي قتل الشهيد لسة في منصبُه ؟! ( بيعمل ايه ؟! )

غيرتوا كام مسؤول لكن دي ماكانتش الصفقة !!

لسة الفكر المُضَلِّل .. مليان وجوه منافقة !!

فين الأمان في مواجهة البلطجية ؟!

البركة في رجالة اللجان الشعبية ( أجدع رجالة )

عايزين حقوقنا من الرئيس المخلوع ( فـيــــــــــن ؟! )

اللي كان ناقص إنه يموتنا من الجوع !!

فين الالتزام بالقوانين المدنيّة ؟!

يعني ايه كل حاجة تبقى مُحاكمة عسكريّة ؟!

احنا محدّش يتحكّم فينا ولا يرفع علينا المطوة ( مُــســتــحـيـــــــل ) !!

ثــورة 25 يـنـايــــر كـانـــــت أول خـطـــــوة

فين العدالة ديّا ؟! .. و فين الإنسانية ؟!

فين الوعود الكتير اللي قلتوها ليّا ؟!

فين الديمقراطية ؟! .. إحساس المسؤولية ؟!

فين حق كل مواطن إنه يعيش في حُريّة ؟!

تحيا مصر و ألف تحيا

تحيا ثورة في كل ناحية

تحيا فايقة و تحيا صاحية

للمهانة تبقى مـاحــيــــــــة

ماحية سيرة كل ظالم .. تحيا حدّ لكل آثم

تحيا لينا و تحيا بينا و تحيا نور يروي عنينا

تحيا مصر لمّا بتربّي ولادها ( ولادهـــــا )

لمّا تبقى بتتسرق و برضو مش حارمانا زادها

و اللي سرقك يا بلدنا خلق ياما ( حرامية كتير )

خلق سرقوا من حياتنا أي معنى للكرامة

و الكرامة يا بلدنا طبع فيكي من زمان

من زمان كانت حروفك درع حامي من الغيلان

أما الآن فـ المُـحـاكـمـــــة عـسـكـريّـــــة ( هي فين ؟! )

يستاهلها كل غول ، مش معقول هتبقى ليّا

فين الحُكم بالإعدام ؟! أنا مش خدّام أو سفرجي !!

أنا صاحب المكان ، ليه يقتلني بلطجي ؟!

في الشوارع كل يوم فيلم رُعب و مسرحية

دموي ، أكشن ، أو إثارة .. في العمارة بلطجيّة !!

اللـي بـيـحـبـّك قـتـيـل و الـكـلاب هـي اللـي صـاحـيـة

( تـــــــحـــــــيــــــــــــــــــــا مـــــــصــــــــــــــــــــر )

ياخي تحيا مصر ((( مــصــــــــــر ))) و ألف تـحـيــــــــــا